Nos tur mester di un Aruba cu ta coopera mas. Recientemente Centro Famia di Criansa tabata na Corsou pa un seminario tocante criansa. Aki nan a papia di participacion. Y esey ta locual aki na Aruba mester hopi di e comunidad. Sra. Nathaly Tromp, di Centro Famia di Criansa ta splica mas.
Centro Famia di Criansa tin mester pa famianan yega cerca nan. Nan ta duna informacion, ta duna tocante scarsedad di famia di criansa, con hopi e muchanan mester di un ambiente cu ta sano y sigur, unda nan por sigui desaroya tanten cu nan warda nan mayornan nan situacion bay dilanti. Pero Centro di Famia di Criansa no por haya hopi famia.
Di un banda, ta pasobra cu e informacion cu tin eyfo, cu e muchanan no ta bay cambia, si nan ta problematico of cu e mayornan ta bin busca problema. Si famia yega cerca nan, por duna nan e informacion corecto. Ta hopi valioso pa e muchanan, pa haya un comunidad cu kier yuda nan. Un comunidad cu ta participa y cu no ta keda pasivo, cu e dia di mañan ta punta dede ariba instancia of otro hende, na unda cu nos mes no tabata t’ey pa por a yuda e muchanan. E muchanan no por keda den internado pa semper. Muchanan mester di amor y nan tin mester di atencion, di e contacto di un otro ser humano. Esey ta loke cu un internado no por duna nan. Tur esten cu nan ta warda ariba e situacion di e mayor mehora, den weekend nan por bay cerca un famia di criansa of nan ta bay biba cerca un famia di criansa te ora cu e situacion di e mayor mehora. Y eynan e ta haya locual cu e tin mester pa e ta contento, pa e crece na un manera liber, pa e por ta mucha. Y e por desaroya mas miho.
Tin famianan na Aruba kier yuda, pero nan no kier deal cu problema. Sea ta problema cu comportacion, problema cu instancia, pero unabes cu bo ta biba, bo ta haya problema. En berdad, e problema no ta di bo, e ta di otor hende. Pero un biaha mas, sin e comunidad, nan no por yuda e comunidad (e mucha). E mucha lo crece, y e ayudo cu e ta haya den un famia, e dia di mañan por yud’e cu e tin un miho futuro, cu abo a yud’ haya un stabilidad. Bo a yude haya un amor, bo a yud’e desaroya un talento cu mañan lo yud’e den su futuro. Locual cu porta ta stroba ta cu, atrobe, e miedo eyfo cu di kico e ta bay encotnra. Ta p’esey ta prepara famianan pa locual nan por bay encontra. Sea ta e mayor, sea ta e comportacion di e mucha. Pero esaki ta normal, pero esaki ta muchanan cu a pasa den cosnan. No ta bay haya un mucha cu ta hari henter dia, cu ta agredecido. Esaki ta un mucha cu a pasa den cosnan cu no ta bon y e no ta bay confia niun hende. E famia di criansa tin cu gana e mucha su confiansa y e famia mester ta willing y sigur di cu e kier haci esaki.
Ora di bay un cas di famia, nan ta wordo prepara. Y nan ta wordo puntra si nan kier bay un famia di criansa ya cu un internado no ta bay pa e mucha, segun Sra. Nathaly Tromp, di Centro Famia di Criansa.