E oportunidad pa haci peticion of prolongacion pa FASE a pasa dia 10 december. Sinembargo a keda un mal informacion caminda coordinador di FASE, sra. Sabine De Groot, ta aclara cu no tabata berdad e asunto cu tabata pidi papel di 5 florin pa ora di hinca e informacion.
E ta bisa cu na ningun momento a exigi esaki of cu mester a aplica di nobo. E ta bisa cu pa un persona a manda pidi un pa motibo di cu persona tabata keda yena e number di cedula malo ‘a pidi nan un muestra pa asina por wak e number atras di nan ID’.
Sra. De Groot ta bisa cu esey a pone cu hende a crea confusion pero e confusion tabata pa yena e informacion pa luna di december. Nan kier a djis verifica e persona su aplicacion pa tur cos keda corecto pa evalua esaki pa asina e persona por ricibi su pago.
“Nos a pidi nan otro manera pa asina por wak e number ultimo di nan cedula, no a keda otro manera pa pidi un papel di 5 florin pero no cu nos a bisa nan pa saca un papel nobo. Nos tabata haciendo e facil pa drecha un eror cu e persona mes a haci”, e ta bisa. Di e forma aki e ta aclara locual tabata coriendo rond.