Magic Angle di Mario Lobo y Andy Gomes a bira e campeonnan di e Copa Teams Aruba 2018. E hobennan Jeandry Mathilda y Chingho Benny Chung despues di a gana e prome wega no por a sigui cu e bon racha pa vence kisas e mihor hungadonan di tennis di mesa di tur tempo na Aruba esta Mario Lobo y Andy Gomes. Den e gran final di e Copa Team Aruba 2018, e dos hungadornan veterano Lobo y Gomes ta gana e serie best of three 2 – 1 y asina bay cu e titulo maximo.
E prome wega di final e dos hoben prospectonan di Aruba, Mathilda y Chung a gana 3 – 2 y a lidera e serie 1 – 0, pero den e di dos wega di final e ekipo di 297ping pong no por a sigui cu e racha di victoria y ta cay venci contra di Magic Angle 3 – 1 y asina e ta bira 1 – 1. Diamars ultimo a tuma lugar e wega desicivo unda e ekipo di Magic Angle, Mario Lobo y Andy Gomes a lucha duro y ta vence 297ping pong cu e score di 3 – 2 y gana e serie 2 – 1.
Den e final desicivo di diamars anochi Andy ta sali perde contra Jeandry cu e score di 3 – 0, Mario ta vence Chingho 3-0, den double Mario y Andy ta perde contra Jeandry y Chingho 3 – 1 mientras den e ultimo dos weganan Mario ta gana Jeandry 3~0 y Andy ta gana Chingho 3-0. Aki Lobo y Gomes a gana cu score di 3-2 y titula campeon.
Den B klas, Estrella Pong di Mikayla Mathilda y Josielienne Boekhoudt a titula campeon mientras na di dos lugar a keda Bob Chung y Robert Dirksen .
Lotto, e loteria di Aruba pa medio di Stichting Sportsubsidie Aruba a yuda subsidia e torneo Copa Team Aruba 2018 organisa pa e federacion di Aruba Table Tennis Association.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.