Sra. Audrey Lacle di Maggy’s Aruba a comenta tocante e celebracion reciente cu Maggy’s Aruba tabatin. E celebracion tabata encuanto e legado di su mama Maggy, kende den añanan 1950 a cumpra un edificio den Caya Grandi y asina cuminsa e negoshi cu actualmente nos conoce como Maggy’s Aruba. Maggy a fayece cu edad di 74 aña y tur aña nan ta celebr’e y record’e como un persona emprendedor.
Den e ocasion aki, mirando e situacion dificil den Caya Grandi, e compania a dicidi pa organisa un celebracion y invita pueblo pa pasa un dia divertido. E ta un lucha pa tur e negoshinan keda riba pia den Caya Grandi. E ta un combinacion di e situacion economico mundial y online-shopping cu a stroba retail. Sra. Lacle ta haya cu retail mester reinventa su mes y esey ta locual Maggy’s Aruba ta haciendo actualmente.
Sra. Lacle ta spera cu Maggy’s Aruba por sirbi como ehempel pa otro negoshinan den Caya pa duna nan e forsa pa nan tambe traha hunto pa haci cosnan diferente y no give up den luz di e situacion actual.