Departamento di Recurso Humano di Gobierno ta riba un campaña grandi pa haya ambtenaarnan pa nan tuma retiro boluntario. Magaly Brito ta splica mas di e conseho cu nan ta dunando na e trahadonan prome cu tuma e decision pa bay DRH.
Pa un evaluacion pa bay cu un VUT si of no, e ta depende di cada situacion individual di cada hende dependiendo e edad cu e trahado tin, depende e edad di pensioen di AOV. E idea ta pa ningun hende cay den un bashi. Tin hopi posibilidad si. Brito a sigui splica cu tin argumentonan particular di e trahadonan y nan tambe cu si nan cay den bashi nan por haya un trabao dependiendo di e educacion y preparacion y experiencia, etc. Tur esaki ta depende di e situacion particular di e hende mes. E ora ey kico ta haci. Ora cu un hende ta acerca Seppa cu su intencion y pensamento pa bay cu un VUT, e ora ey ta pidi’e pa pasa na Seppa, ta yud’e evalua e diferente posibilidadnan, semper teniendo cuenta cu e mes mester ta conciente di un decision cu e ta tuma pa e no cay den un bashi di tal manera cu mañan e no tin un entrada pa sigui subsisti. Te awor aki e ta mustra cu e conciencia ey tey bao di e empleado publico. Nan ta tuma decisionnan di acuerdo cu nan situacion cu nan por cambia e peso y e cambio cu nan ta bay tuma pa nan mes.
Brito ta sigui splica cu Gobierno semper a keda busca tur manera pa baha su gastonan di personal. Tin hopi gritonan bashi pafo cu ta papia di cantidad di personal cu lo ta dimas, mientras cu un biaha mas, no tin evidencianan pa prueba un ponencia asina. Cada biaha ta reorganisacion y cambio pa wak con por haci bo organisacion funciona mas efectivo. Semper ta keda cay riba e mesun resultadonan cu tin te na e momentonan aki. Pero no ta bay kita e libertad ey di un dunado di trabao pa haci un oferta. Ta keda si na e empleado eynan pa evalua e oferta cu tin riba mesa. E ora eynan den cuadro di esey ta conseha e hendenan, segun Magali Brito di Seppa.
Seppa 7 berdad nos por pensa cu tin hende mester bay pa na edad pero