NAPOLI, Italia- Un bom pakket a rementa diamars den oranan di marduga den e sede principal di e conocido pizzeria Sorbillo, den e centro di Napoles, zuid di Italia. Esaki a causa dañonan importante den cual ta parece un mensahe di intimidacion di Camorra, e mafia local, segun EFE>
E doño di e cadena di pizzeria aki, Gino Sorbillo a denuncia e hechonan ariba rednan social, cu’n potret saca dilanti di e local destrui cu’n cartel cu ta bisa: “Cera door di bomb”.
“Nan a pone un bomb den mi pizzeria den e sede historico di Napli den e Via dei Tribunalo. Despues di e candela di 6 aña pasa, awo ta e bombnan ta yega”, Sorbillo a denuncia.
E conocido pizzero y empresario a agrega: “Mi ta pidi pordon na Napoli completo, e Napoli bon, e Italia bon y tur e personanan cu ta biba honestamente. E incidentenan aki ta haci cu e moral di e sociedad ta cay den otro”.
E ex carabinero cu a bet tur cos pa ta un pizzero a bira den un di e maximo ehempelnan di lucha contra di e control di Camorra na Napoli y a paga esaki cu’n candela na 2012.
Despues di e atentado e pizzeria a haya varios mensahenan di solidaridad di e institucionnan y contra di e posibel gesto di intimidacion di Camorra.