CIUDAD DE MEXICO, Mexico- Autoridadnan ta investiga denuncianan di al menos 20 caso di abuso sexual den e kleuterschool
“Marcelino de Champagnat” den Ciudad de Mexico. Algun di e mayornan cu tin nan yiu ta bay eynan, a cera algun di e cayanan cerca di e scol pa trece atencion pa e caso. Te ainda, e directiva di e scol no a duna niun informacion pa cu e caso aki y e persona cu ta awordo acusa no a wordo localisa.
Mayornan a realisa e blokeo despues di cu autoridadnan di e kleuterschool no a haci caso di nan demandanan. nan a bisa cu ta urgente pa autoridadnan di Ministerio Publico, y otro autoridadnan di Educacion Publico y di e alcaldia haci algo pa cu e situacion aki.