CARACAS, Venezuela – E presidente di Venezuela, Nicolas Maduro a presenta diamars un medida denomina “plan conejo” cu, segun su huicio, lo yuda combati hamber y e falta di proteina den e dieta di e Venezolano.
Durante e conseho di minister di diamars ultimo, e mandatario nacional a splica cu ta trata di entrega un coneu na cada comunidad y warda pa e “por reproduci manera coneu” cu e intencion di uza e carni como substituto di e carni di baca y di galiña.
Maduro a duna e palabra na Freddy Bernal, minister di Agricultura Urbano, pa splica a fondo e propuesta, debi cu e tabata e creador di esaki.
“Nan a siña nos cu e coneu ta un mascota, wel, pero e coneu, mira for di e punto di bista di e guera eocnomico. Un coneu ta pari aproximadamente dies pa diesdos coneu, cu na final ta cria ocho. Den dos luna y mey nos lo bay tin un coneu di dos kilo y mey,” Bernal a argumenta.
E mandatario a relata cu Bernal a entrega e prome lote di coneu na 15 comunidad, pero e ciudadanonan no a sigui’e “al pie de la letra.” “ora cu mi a bolbe, sorpresa, e hendenan tabata tin e coneunan cu un strik y a hacinan mascota. Esey tabata e prome “backfire” di e “Plan Conejo.”
Fuente: www.notifalcon.com