CARACAS, Venezuela- Presidente di Venezuela, Nicolas maduro, a reitera su rechaso na un intervencion militar di parti di Merca. El a pidi e militarnan “pa ta alerta na tur momento” pa defende e “derecho di e pais Suramericano pa biba na paz”.
Den un acto di ascenso di militarnan, Maduro a indica cu “un intervencion militar di parti di imperio Mericano nunca lo ta e solucion pa e problemanan di Venezuela”. E ta referi na e noticia di cu e presdiente di Merca, Donald Trump algun luna atras a presenta e plan na su gabinete, pa un posibel invasion di su pais.