CARACAS, Venezuela- Maduro a haci un yamada na e pueblo pa e mantene su mes riba alerta pa cualkier acto desestablisador.
Presidente di Venezuela, Nicolas Maduro, diabierna a pidi e pueblo pa ta alerta pa cualkier acto cu por genera caos y desestabilisado den e pais.
“Ta importante pa e pueblo keda atento, un pueblo atento ta garantia pa stabilidad. Un pueblo atento ta e vacuna contra cualkier proceso desestabilisado”, e hefe di estado Venezolano a expresa for di Palacio de Miraflores, na Caracas.
Maduro a califica di “show” e accionnan tuma pa e actual presidente di e Asamblea Nacional, Juan Guaido, cu a asumi e puesto como Presidente Interino di Venezuela, haciendo referencia na articulonan 233, 333 y 350, realisando un yamado pa mobilisacion pa dia 23 di januari proximo.
“Mi ta bisa e pueblo di Venezuela, cu nos tin hopi experiencia. Esaki ta un show pa purba na desestabilisa e pais. Nan ta parce un grupo di mucha cu a tuma control di oposicion. Ta e mesun grupo cu e ‘guarimba’ tabata dirigi.
El a indica cu oposicoin “tur dia ta bin cu’n show nobo”, pero cu “nos no mester haci caso di esaki”. Ademas, segun Maduro a conseha, cu e miho “vacuna” pa eventonan pa e eventonan aki ta pa e pueblo keda alerta y semper trahando na fabor di e economia y desaroyo di e pais.
Pa loke ta e hechonan violento cu a tuma luga diahuebs ultimo dilanti e embahada Venezolano na Peru, el a afirma cu “con por ta posibel cu ta ataca e embahada di Veneziela na Peru, unda e presidente di e pais ey ta of esaki ta un vengansa di e presidente contra di Venezuela? Nan a permiti pa esaki pasa. Venezuela ta exigi pa e grupo cu a comete e atake contra di e embahada wordo deteni y hiba na huicio, publicamente. Ademas, nos ta exigi un disculpa publico, for di e gobierno di Peru”, el a afirma.