Diabierna awor 1 di Juni, a wordo anuncia medidanan substituto di libertad na 39 presonanan na Venezuela cu lo cual ta inclui presentacion na e autoridadnan cada 30 dia, prohibicion di sali for di e pais y duna declaracion na e social media, entre otro.
E Comision di e berdad di e Asamblea Nacional Constituyente presidi pa Delcy Rodriguez y e fiscal Tarek William Saab a duna ordo di liberacion di e presonan aki.
A ser libera 39 presos diabierna, y 40 mas ayera diasabra 2 di Juni cu un total di 79 ken ta bay recibi e beneficionan procesal cu e medidanan cu a wordo stipula. Tin presion poni di parti di e varios gobernadornan opositor Laidy Gomez y Alfredo Diaz , entre otro cu ta keda exigi gobierno pa e liberacion di tur e presonan politico.
E abogado Defensor di e diputadonan Gilbert Caro, a precisa cu a haya e boleta di excarcelacion como proceso di e liberacion bou condicion di e di dos grupo di presonan politico.
La president constituyente Delcy Rodriguez a realisa un yamado pa aleha di e caminda di violencia y e compromiso pa no bay conspira contra di gobierno.