CARACAS, Venezuela – Presidente di Venezuela, Nicolas Maduro, a bisa awe cu “e Corona Spaño” tin cu pidi pordon na e pueblonan di America pa e “genocidio” cu nan a comete 524 aña pasa y na luga di celebra “Dia di Hispanidad” mester wordo declra como “Dia di Luto.”
“E Corona Spaño, en bes di sigui celebra dia 12 di October, nan mester pidi pordon na e e pueblonan di america, pa e genocidio, e holocausto cu nan a causa contra tur e pueblonan indigena, 80 miyon di homber y muhe, desapareci, asesina,” Maduro a bisa.
E presidente a haci e comentario durante un acto na Caracas pa conmemora e “Dia di Resistencia Indigena” manera cu ta denomina na Venezuela e aniversari di e yegada di e conkistadornan Spaño na e teranan aki.
“Na luga cu e Corona Spaño ta celebra dia 12 di October como Dia di Hispanidad, nan mester declara e dia aki uno di duelo, cende bela, resa y pidi pordon na America completo pa e masacre cu nan antepasadonan colonial a haci,” el a señala.
Den e mesun discurso el a anuncia cu diabierna awo lo bay huramenta un “comision nacional y internacional di mas halto nivel” cu lo ocupa di “descolonisa e patria” pues lo sigura cu e ciudadanonan ainda ta influencia pa mensahenan colonisador di diferente imperio.
El a invita e presidente di Bolivia, Evo Morales, pa forma parti di e comision aki pa trata di un bon representante di resistencia indigena na e colonisacion.
Fuente: El Mundo