CARACAS, Venezuela- Presidente di Venezuela, Nicolas Maduro, diabierna 5 di Januari 2018 a duna ordo pa cera tur frontera, maritimo y aereo, cu e islanan Aruba, Corsou y Bonaire pa 72 hora.
E medida, segun el a bisa, ta pa “defende e interes economico di Venezuela”, pa cual el a pidi e gobierno di e teritorionan aki pa tuma medidanan cu el a “exigi di nan” durante e ultimo tres aña.
“Mi no kier a tuma un medida asina, pero incluso, mi ta dispuesto pa tuma un medida mas radical”, el a manifesta.
Maduro a haci un yamada pa “acelera e trabaonan pa establece un comercio sano” cu Aruba, Corsou y Bonaire.
Di otro banda, el a ofrece “tur tipo di garantia” di transporte di Venezolanonan cu ta di turista riba e islanan aki y su ciudadanonan cu ta den territorio Venezolano.
Fuente: https://www.lapatilla.com