CARACAS, Venezuela- E presidente venezolano, Nicolás Maduro, a anuncia e emision di 100 miyon “petro”, un unidad cu e hefe di estado a presenta como e “criptomoneda di Venezuela” y cu tin un balor, segun Maduro, di un bari di petroleo di e pais Suramericano ariba mercado internacional.
“El a duna ordo di e emision di 100 miyon petro cu apoyo legal di e rikesa petrolero Venezolano”, segun e mandatario Chavista despues di e prome Conseho di Minister di aña. “Cada petro lo tin un balor igual na e prijs di bari di petroleo Venezolano”, el a agrega. E bari di petroleo Venezolano diabierna a cera na 59 dollar.
Maduro, cu a anuncia tambe e “activacion y e uzo di e casnan di cambio virtual conoci como ‘exchange’a lansa e ‘criptomoneda’ Venezolano como un forma di evadi e sancionnan financiero impone door di e gobierno di Merca.
Fuente: https://www.infobae.com