Internacional: Presidente Venezolano Nicolás Maduro a activa diamars e Organo Integral di Maneho di Defensa (ODDI) den tur estado “pa garantisa paz” den e pais, e mandatario a bisa.
Esaki ta ensera e unificacion operacional di tur forsa militar y policial den e pais, incluyendo milisia y otro combatientenan. Esaki ta sosode dos dia prome cu e inauguracion na Venezuela.
“E pueblo ta den caya, e clase trahador ta den e prome liña di e defensa di nos soberania. “Awe, cu e decreto aki, nos ta haci un compromiso firme pa paz den cada municipio y parokia di nos Venezuela,” Maduro a bisa durante un ceremonia di huramentacion pa combatientenan na Palacio Miraflores.
Maduro a agrega cu e ODDI lo funciona te dia 9 di januari, den tur estado, municipio, parokia y comunidad di e teritorio nacional, un dia prome cu e inauguracion presidencial y e dia cu e lider di oposicion María Corina Machado a haci un yamada na tur Venezolano pa manifesta paden y pafo. e teritorio.