CARACAS, Venezuela – Presidente di Venezuela, Nicolas Maduro, a sigura diabierna cu na 2018 lo bay tin eleccionnan presidencial como ordena e ley, tras denuncianan di oposicion cu ta pretende di evadi nan cu su convocatorio na un Asamblea Constituyente.
“Na 2018, aunke awa cay, lamper cay of strena zona, na Venezuela, lo bay tin eleccionnan presidencial,” e mandatario a bisa durante un reunion di e comision presidencial cu ta impulsa na e Constituyente, den e palacio presidencial di Miraflores.
December ultimo e eleccion di gobernadornan mester a tuma luga, pero e poder electoral – cual oposicion ta acusa di sirbi na Gobierno – a suspende nan y ainda no tabata tin fecha.
E aña aki ta coresponde e comicionan di alcalde y na final di 2018 esunnan presiencial. Pero oposicion ta sigura cu, cu nan convocatorio na un Asamblea Nacional Constituyente “popular”, Maduro ta busca pa evita midi den eleccion den un momento cu shete di cada dies Venezolano ta rechasa su gestion, segun encuestanan.
E presidente ta enfrenta desde dia 1 di April, protestanan opositor fuerte cu ta exigi eleccionnan general. E manifestacionnan ya a laga 38 morto y centenares di herido y detenidonan.
Riba e solicitud di eleccion, varios pais di e region a bin ta uni y e secretario general di e Organisacion di Estadonan Americano (OEA), Luis Almagro, kende a yama Maduro como “dictador.”
E lider opositor, Henrique Capriles ta sigura cu, cu e Constituyente convoca dia 1 di Mei, e Gobierno ta pretende di cambia e forma cu ta eligi na Venezuela.
E mita di e 500 asambleistanan cu lo reforma e Constitucion di 1999 lo wordo eligi pa sectornan social cu, segun oposicion, ta controla pa oficialismo, mientras c e otro mita lo wordo scogi pa votacion municipal.
Fuente: http://www.elespectador.com