CARACAS, Venezuela – Presidente Nicolas Maduro a sigura cu e oposicion Venezolano ta buscando escusa pa bandona mesa di Dialogo acorda fin di siman ultimo cu e mediacion di Vaticano pa destraba e crisis politica, institucional y social cu e pais ta bibando aden.
Tras di saluda un biaha mas e dialogo, el a bisa cu tin voceronan di Mesa di Unidad Democratico cu ta planteando keho pa caba cu e proceso di dialogo. “No. Ta tempo pa reconoce otro. Keda boso eynan trankilo.”
Inmediatamente el a sigura cu e unico cu ta garantisa cu MUD sigui haciendo bida na Venezuela, ta e. “E unico presidente cu ta garantisa boso (MUD) pa boso sigui eynan, ta ami. Ademas oposicion tin cu siña cu e Revolucion lo sigui, e ta ireversibel.”
Di e manera aki, Maduro a carga contra e economista y profesor di e Universidad di Harvard, Ricardo Hausmann, ademas swa di e preso politico Brauliio Jatar, ora di a yam’e “estafador; estafador mi ta bisabo. Tin cu bin cu un huicio,” pa supuestamente sabotea politicanan economico na Venezuela.
Segun Maduro, Venezuela ta den crisis pa e sabotahe di sectornan externo y interno, entre cual el a menciona Hausmann.
E insulto y descualificacionnan a wordo transmiti den cadena di radio y television pa anuncia “e fase nobo di industrialisacion di e Gran Mision Barrio Nuevo Barrio Tricolor.”
Fuente: NTN24