Sr. Edgar Maduro, presidente di Sindicato di Polis, a duna algun declaracion ariba e sucedido lamentable, caminda cu un agente policial ta perde su bida den ehercicio di su profesion. Presidente di Sindicato di Polis, Sr. Maduro, a expresa su palabranan di condolencia na famianan di e polis, Sr. Tino Ruiz. Sr. Maduro tabata basta emociona, y a recorda e bon momentonan cu Sr. Ruiz a apoy’e den su momentonan mas dificil.
E adres caminda e tragedia a tuma luga, ta un adres conoci pa polisnan, unda cu na varios biaha a bay pa duna asistencia. Segun Sr. Maduro, e mes a yega di brinda asistencia na e adres aki. E trabao di polis ta wordo balota door di hopi hende y nan ta wanta hopi critica. Pero ora cu nan mester di yudansa, ta e polisnan ta esunnan cu ta wordo yama pa bay brinda asistencia.
Sr. Maduro a papia di su experiencia, caminda cu na St. maarten, unda cu un simpel asistencia, a caba na un tiramento. Como polis, nan lo mester ta mas cuidadoso di awo padilanti. Cada un lo mester cuida otro. Cuerpo Policial ta manera un solo famia, di diferente mayor, pero nan ta pasa casi 24 ora cu otro. Dus e sucedido ta un golpi grandi pa e famia di KPA.
Riba e pregunta si Sindicato lo reuni cu Alto Mando, ya cu e situacion aki lo por ripiti algun dia. E forma con pa handel cu un situacion manera esaki. Recientemente Sr. maduro a tuma mando over di e sindicato y ta toca na su persona pa sali na defensa su coleganan, pa den futuro e coleganan ta protehi. E union entre e coleganan di KPA, casi di tur distrito a yega na hospital pa sostene e colega y e famia. Sr. Maduro a bisa cu ya caba di e mesun tipo di casonan asina y nan ta cla pa reuni tocante tipo di acasonan.
Sr. Ruiz tabata tin mas di 10 aña den Cuerpo Policial, segun Sr. Maduro. El a yega di traha diferente departamento, pero semper el a bin bek den e surveillance dienst. E oficial no tabata casa, e tabata un mucha homber bon mucha y un bon polis, un bon colega.