CARACAS, Venezuela- Desafiante y “orguyoso” incluso: asina presidente di Venezuela a mustra dialuna despues cu e sancionann di Merca contra di dje a bira conoci.
“Awe e gobierno di e emperador Donald Trump a tuma decisionnan contra di mi como presidente. Ta decisionnan cu ta expresa su impotencia, su desesperacion y su odio, ta expresa e caracter di magnate cu e emperador di Merca tin”, segun Maduro a expresa.
Merca conhuntamente cu otro paisnan, ta desconoce e Constituyente cu a keda eligi diadomingo 30 di Juli, cu lo mester redacta un constitucion nobo y cu lo reforma e estado. Oposicion no a participa den e proceso, ya cu e ta considera e Constituyente como un fraude.
“Mi no ta obedece ordennan imperial ni di gobiernonan stranhero. Ni awo ni nunca. Mi ta un presidente liber, independiente y anti- imperialsita, anti- racista, anti- colonialista. Mi ta contra di e Ku Klux Klan cu ta goberna den White house”, acusando e gobierno di Trump, cu den ultimo simannan a sanciona varios dirigente di cargonan halto di e gobierno di Venezuela.
“Mi a wordo sanciona pasobra cu mi a convoca un hecho electoral unico den historia di Latino- America, Maduro a bisa. Tambe el a afirma cu su pais no tin miedo y cu tin dies miyon Venezolano dispuesto na tuma armanan den nan man y libera full Latino America.
Fuente: http://www.bbc.com/mundo/