CARACAS, Venzuela – Presidente di e Republica Nicolas Maduro, a anuncia diadomingo, dia 19 di Februari, e aumento di e Cesta Ticket, cu lo pasda di 63 mil 720 pa 108 mil bolivar, desde dia 1 di Maart, debi na e aumento di e Unidad Tributaria.
“Na Januari mi a aumenta e 50% di salario y cu motibo di e aumento di e Unidad Tributaria y siendo a base di calculo cu mi a bay a elevando pa e establecimento di e Cesta Ticket 12 unidad tributario, nos meser mantene e base di calculo den 12 punto pa e Cesta Ticket tin e capacidad di haci speculacion parasito di caya,” e hefe di estado a bisa den su programa Los Domingos con Maduro.
El a indica cu ta implica un aumento di e ingreso minimo legal di 42%. “MI kier bisa cu esey cu nos a pasa di 104 mil bolivar pa 148 mil bolivar, cu e proteccion di e salario minimo y aumento di e Cesta Ticket.”
E prome mandatario nacional a informa cu desde dia 1 di Maart lo drenta na vigencia e balor nobo di e Unidad Tributario, cu lo pasda di 177 pa 300 bolivar.
“Mi a bay suma un aumento significativo di e Cesta Ticket pasobra a partir di dia 1 di Maart lo drenta na vigor e balor nobo di e Unidad Tributario y pasa di 177 bolivar pa 300 bolivar, ademas e unidad tributario ta e signo marcador pa calcula e Cesta Ticket socialista, mi a adopta desde aña pasa, cu a cuminsa cu e guera brutal, e modalidad di protehe e casi 11 miyon di trahadonan cu ta cobra Cesta Ticket,” el a indica.
Dia 8 di Januari, e presidente a anuncia un aumento di 50% di e salario minimo y di pensioen, cu a pasa di 27.091 bolivar na 40.638 bolivar y dia 27 di October di 2016, a aumenta e Cesta Ticket na 63.720 bolivar.
Fuente: http://www.panorama.com.ve