DEN HAAG, Hulanda- Corte di Apelacion a duna Petra M. un castigo di 4 aña y mei pa maltrato di su hijastronan. E straf aki ta mas halto cu loke Corte den Prome Instancia a dun’e, cual tabata 3 aña. E tata tambe a haya un castigo di 18 lun cera.
E yiu muhe di su pareha, na Februari 2015 a wordo haya cu hipotermia y cu un paro cardiaco den cas di su mayornan na Roelofarendsveen. Temperatura di su curpa tabata di solamente 23 grado. E madrastra M, mes a yama ambulance pa motibo cu e yiu a bira malo. E mucha ta sobrevivi, pero apenas.
Corte tabata tin tambe e declaracion di e mucha mes, cua declara cu frecuentemente e mester a drumi sin deken, den schuur, den garashi of den su camber. Esey tabata e caso tambe si tabata haci frieu. E anochi en cuestion e no ta corda nada di dje.
A keda comproba tambe cu e mucha muhe y su ruman homber hopi biaha tabata wordo cera den nan camber, y eynan mes nan mester a haci nan necesidadnan.
Cuatro aña di prizon pa madrastra cu tabata maltrata yiunan di su pareha
DEN HAAG, Hulanda- Corte di Apelacion a duna Petra M. un castigo di 4 aña y mei pa maltrato di su hijastronan. E straf aki ta mas halto cu loke Corte den Prome Instancia a dun’e, cual tabata 3 aña. E tata tambe a haya un castigo di 18 lun cera.
E yiu muhe di su pareha, na Februari 2015 a wordo haya cu hipotermia y cu un paro cardiaco den cas di su mayornan na Roelofarendsveen. Temperatura di su curpa tabata di solamente 23 grado. E madrastra M, mes a yama ambulance pa motibo cu e yiu a bira malo. E mucha ta sobrevivi, pero apenas.
Corte tabata tin tambe e declaracion di e mucha mes, cua declara cu frecuentemente e mester a drumi sin deken, den schuur, den garashi of den su camber. Esey tabata e caso tambe si tabata haci frieu. E anochi en cuestion e no ta corda nada di dje.
A keda comproba tambe cu e mucha muhe y su ruman homber hopi biaha tabata wordo cera den nan camber, y eynan mes nan mester a haci nan necesidadnan.
Fuente: www.anp.com