Texas-Merca: Madrastra di 37 aña, Tammie Bleimeyer a wordo condena pa negligencia pisa di yiu di su pareha di 5 aña. Tammie mes tin 7 yiu di su mes. E tawata forsa e yiu, Jordan, pa drumi den un espacio chikito bao di e trapi den nan cas na Texas. E kamber tawata tin clabo los y waya nan di coriente. E camber a wordo considera manera un escenario di un Harry Potter film.
E caso a bin dilanti ora cu e yiu di Tammie di 16 aña a declara cu Jordan su cabes a wordo bati na muraya y nan a dal e cu coriente. Ora Polis kier a aresta e madrastra ya e a hui cu Jordan pa un hotel. Ey nan nan a aresta e madrastra cu tawata 6 luna na estado e tempo ey.
Tata di Jordan cu e tempo ey tawata tin 24 anja tambe a haya castigo di 15 aña. Jordan tawata tin diferente corta na su curpa y mancha nan blauw y tawata pisa 13 kilo so. Dokter nan kiermen cu e por a muri dentro di un siman si e a keda asina. Awo Jordan ta bibando cu su mama biologico.