Campeonato HEINEKEN fast pitch di Aruba Softball Bond dedica na baluartenan Chin Thiel ( q.e.p.d) y e trabuco Wilbert “Wiwi” Maduro ta yegando poko poko na su final. Despues cu Liga Femenino conoce su campeon 2018 siman pasa unda Eagles a derota Jaguars pa bay cu e titulo y A-Klas masculino tambe a releva su Campeon 2018 cu ta Celebrities kende a derota Blackhawks den final e bataya a continua den Liga AA masculino esta Liga Kibrahacha. Macuarima Spark Elektra tabata abou 1-0 den e serie di best out of 3 pero a logra reacciona diahuebs pa empata e serie y diasabra riba veld di Dragon Hitters ( x Duracell) Macuarima Spark Elektra a baha pisa sin pordon pa elimina Henk Arnold y Spuiters pa asina pasa pa enfrenta Balashi Premuim den un serie nobo di best out of 3 esta den e semi final.
Ganado di e serie aki lo hunga contra Royal Power Tat Fat Home Depot den un best out of 5 a ee titulo maximo. Macuarima 14 careda, 16 hit, 0 error y ta laga 5 coredo den circulacion. Spuiters 1 careda, 2 hit, 1 error y ta laga 3 coredor na base. Miho bateadonan pa Macuarima Spark Elektra ta Darl Quandus 4-3 cu 3 careda anota, Javier Croes di 3-3 cu 2 rbi y 3 careda anota, Eddy Flanegin, Ray Bernabela, Jean Pierre Geerman y Revelino Silie tur a bay di 2-1, Carlos Croes di 4-2 cu 3 rbi y Patrick Lampe di 2-2 cu 2 rbi y 2 careda anota. Pa Spuiters a luci den causa perdi Edmar “Echi” Boekhoudt y Rhajin Donata ambos di 1-1 cual po rcierto tabata e unico dos hitnan pa banda di Spuiters.
Arjen Mathilda ta bay cas cu e victoria lansando 20 pitch, permitiendo 0 careda a un ERA di 0.00. Arjen ta wordo releva pa Juan Chirino kende tambe ta lansa 20 pitch y ta permiti e unico careda pa un ERA di 3.50. Henk Arnold a haci su maximo esfuerso pero no por a controla e bateria fuerte di Macuarima a tira un total di 59 lansamentpo den 2 inning permitiendo 8 careda limpi pa un ERA di 28.00 cargando e derota riba su nomber. Henk Arnold a wordo releva pa Gilward Wester kende na su turno a wordo releva pa Edmar Boekhoudt. Play Off lo continua unda Macuarima Spark Elektra lo cuminsa un serie nobo awor di best out of 3 versus Balashi Premuim. Diaranson 10 di October na Pos Chiquito cuminsando pa 7 or y 30 pm lo tin e wega number 2. Si un di e dos ekiponan aki gana e serie den 2 wega e promewega di final lo ta diahuebs 730pm na Pos Chiquito. Si mester un wega decisivo entre e dos ekiponan aki esaki lo wordo hunga diahuebs 11 di October 7 or y 30pm na Pos Chiquito. Playoff HEINEKEN fast pitch di Aruba Softball Bond a toda maquina!!!