Macuarima Indians ta derota Pizza Hut Monsters 10-9 pa asina clasifica na di cuater luga

Campeonato HEINEKEN fast pitch di ASB a continua riba tereno di Flatstone. E equipo cu tabata comandando henter e cameponato esta Pizza Hut Monsters a cay venci den su ultimo fecha di encuentro mientras e mesun dia Royal Power tabata hungando na Kudawecha vs Spuiters y Royal Power ganando ambos wega a pasa pa ocupa e prome puesto di campeonato cu 21 victoria y 3 derota mientras Pizza Hut Monsters ta termina na segundo luga cu 20 victoria y 4 derota. Macuarima perdiendo 7 pa 1 a sa di rally den combinacion cu base por bola pa asina gana Pizza Hut Mosnters 10-9. Macuarima Indians 10 careda cu solamente 3 hit y 0 eror mientras Pizza Hut Monsters tabata tin 9 careda, 11 hit, 1 error. Lucio Geerman ta gana ricibiendo relevo di Benjamin Geerman den di 4 inning. Theomar Gei ta perde e partido kende ta ricibi relevo desde prome entrada pa Rolando Guzman. Mihor bateadonan pa Macuarima Indians ta Ryan Richardson 2-1, Lucio Geerman di 1-1. Pa Pizza Hut Mosnters a luci na plato den causa perdi Jerrold Martijn 4-3, Michael Fingal y Alfred Williams di 3-2, Aigil Brete di 2-1. Michael Fingal cu un cuadrangular. Den e segundo partido di anochi Pizza Hut Monsters ta reacciona pa kita un wega bek di Macuarima Indians. Pizza Hut Monsters 14 careda, 12 hit, 0 eror. Macuarima Indians 8 careda, 8 hit, 2 error. Richinell Matos ta lansa 6 base por bola y ta wordo releva pa Rolando Guzman den di 4 inning ta bay cas cu e victoria. Benjamin Geerman ta resulta pitcher perdedo. Miho bateadonan pa Pizza Hut Monsters ta Jason Orman 4-3, Jerrold Martijn 2-2, Rolando Guzman 3-3, Joshua Wever y Angelo Laurant di 2-1, Rodney Kelly di 1-1. Rolando Guzman cu homerun cori den veld. Pa Macuarima a destaca na plato Brandon Angela 2-1, Joshue leanez 4-2, Albertico Noguera , Wilmer Geerman di 2-1, Ryan Richardson di 1-1. Siman entrante weganan di Playoff den categoria AA lo inicia. Softball a toda maquina.

Comments

comments