Paris, FRANCIA- Mesanan di votacion a cera na Francia y e prome proyeccionnan ta indica cu Emmanuel Macron y Marine Le Pen ta pasa pa e di dos buelta.
Segun calculonan, e centrista Emmanuel Macron a haya 24% di e votonan, mientras cu e lider di Frente Nacional, Marine Le Pen, a keda atras cu 21.8%
E eleccionnan na Francia a desaroya bou di medidanan di siguriad den e principal ciudadnan di e pais pa evita cualkier clase di atentado.
E siguiente buelta ta programa pa tuma luga di 7 di Mei.