Lyonel Dirksz ta presenta e conteo di e 100 mihor cancionan di aña 2018 atravez di Radio bo Guia hunto cu Diario TV48 diadomingo 30 December.
Pa 12 aña Lyonel ta presenta e mihor cancionan di aña riba 30 december dunando tur honor y reconocimiento na e cancionan di mas grandi tanto local y internacional.
Durante e programa maratonico cu ta cuminsa 9or di mainta lo tin pronostico di signonan zodiacal presenta pa e famoso Astrid Richardson di Yabi di Angel Center, riba caya lo bay te’y Julisa y Brian pa bishita diferente casnan den barionan di Aruba.
Atardi pa brinda hunto cu e pueblo lo tin presentacion di e grupo tipico Brindis dilanti studio, compaña pa Robert Thiel y Jeon, tata cu yui ambos cu cancion nomina pa cancion di aña 2018.
Massive brassband ta sera e happy hour dilanti studio cu show di brassband.
Pa 9or di anochi e team di riba caya lo ta live for di Palm Beach Plaza Mall pa saka e ganador di 1000 florin na premio sigui pa pagara.
E transmicion enbibo riba radio y television lo tin un duracion di 14 ora live cu premio, entrevista, noticianan mas impactante di aña y reconocimiento.
Cu esaki Lyonel ta gradici Aruba pa dune tur confiansa pa asina e por celebra 15 aña den radio.
Diadomingo 30 December Aruba ta keda invita pa ta den sintonia.