E conocido personalidad di radio Lyonel Dirksz conoci den comunidad como Lyo despues di 12 aña ta bandona Top95 pa cuminsa un reto nobo na bo Guia Fm 88.9fm.
Diadomingo cu un publico grandi di fanatico na piedra plat ballroom Lyonel a firma acuerdo cu radio bo guia FM 88.9.
Durante e evento di lansamento, tabata tey grupo di baile, Eltienne Yarzagaray, poesia di Omaira Britten y algun palabra masha special di Mari Elisa cu ta reina hubenil di carnaval.
Minister di FEC Xiomara Maduro tambe tabata presenta pa reconoce Bo guia FM pa nan 20 aña dedica na cultura.
E famia grandi di bo guia a duna Lyonel un caluroso bon bini.
Lyonel su programa lo hiba como nombo E bon dia cu Lyo y ta wordo transmiti dialuna pa diabierna 8am pa 10am.