Dialuna dia 10 di October pa 12’or di merdia e porta di e Carrousel di Enseñansa lo habri pa publico, mayor y educador por bishita te cu 8’or di anochi. Lo tin un gran variedad di instancia y fundacion, Universidad di Aruba, IPA, Rietveld y mucho mas cu ta participa. Tambe lo tin diferente charla cortico riba diferente tema.
Lo lansa varios proyecto nobo, por menciona entre otro “Veilige Scholen” pa enseñansa primario, “Smart School”, “Mobile Lab” y diferente resultado di diferente investigacion y estudio haci, entre otro riba “bullying” na scol. Entrada ta gratis. Tambe lo tin premionan hopi atractivo cu lo rifa cada ora. Mayornan y tur docentenan ta cordialmente invita!