PRESS RELEASE – CANCER AWARENESS MONTH
En coneccion cu October ta luna di Breast Cancer Awareness, ForenSys Aruba ta uni na e causa aki. Pa demostra cu nos ta biba cu e victima y famia nan den momento nan dificil pa cu e malesa cruel aki, simbolicamente tur nos vehiculo nan di compania lo tin e Pink Ribbon riba nan. Esaki pa duna aporte y sosten na e causa y pa concientisa e pueblo.
ForenSys Aruba su vision como compania den e comunidad noble di Aruba ta pa Alivia y sirbi e mundo den tempo di desgracia y contra tempo. Nos mishon ta cu nos ta un Fuente di confianza y ayudo ora un desgracia sosode, hasiendo esaki via personal nan responsabel, imparsial y door di documenta y archiva informacion vital, sosteni pa un software inovativo y revolushonario. Aparte di nos Vision y Mision, tambe nos ta tene nos mes na 6 punto di principio cu nos trahador nan ta biba tur dia, Prioridad Prome, Integridad, Cortesia, Respet, Responsabilidad y Seguridad.
Pa tur e motibo nan menciona ariba, nos ta haña cu a yega e momento pa duna bek y contribuyendo na e causa aki di Breast Cancer Awareness, den nos concepto ta e manera di mas noble pa hasi esaki. Management y personal di ForenSys Aruba kier a desea na cada pacient cu ta pasando den momento nan dificil pa cu e malesa aki, hopi forza, semper keda positivo y pone tur cos den man di Dios. Alavez kier encurasha tur e ser femenino nan di Aruba pa bai hasi control regularmente, preveni ta miho cu lamenta.
ForenSys ta un compania cu a nace oficial na Aruba na aña 2014. Nos a cuminsa mes un proceso cu’n baby, lastra, gatia, cana, bula y actualmente nos ta den e proceso pa cuminsa core. Logico cu esaki nan no por ta posibel sin e sosten di nos cliente nan y e comunidad di Aruba y pa esey nos ta sumamente agradeci for di profundo di nos curazon.
ForenSys Aruba kier a recorda henter e pueblo di Aruba, cu na momento cu ta envolvi den un incidente pa yama 165, nos tei pa alivia y sirbi tur hende cu ta envolvi den un incidente, p’asina tur datos di e incidente ta registra pa hasi bo proceso di claim mas eficiente ora cu yega na e compania di seguro.