BRASILIA, Brazil- E candidatura di ex mandatario Luis Inacio Lula a wordo veta pa e siguiente eleccionnan presidencial. E decision aki a wordo tuma pa e Tribunal Supremo Eelctoral (TSE) di Brazil diabierna.
E voto di e ex minister Admar Gonzaga tabata decisivo pa determina e mayoria di e TSE, cu a dicidi di stroba Lula pa presenta su candidatura pa eleccionnan presidencial.
E siman aki, autoridadnan electoral a divulga e lista di aspirantenan cu lo por competi den e carrera presidencial. E gran ausente ta Lula, cu segun e mas reciente sondeonan di Ibope y Datafolha tabata e gran faborito pa gana e eleccion, cu’n intencion di voto cu ta supera 54 miyon voto.
E divulgacion di e encuestanan cu ta evidencia e apoyo masivo na Lula a purba di wordo stroba door e Instituto Democracia y Libertad (IDL), cu a entrega un peticion na TSE pa censura e tipo di encuestanan pasobra, supuestamente “nan ta viola e siguridad huridico di e eleccionnan”.
Sin embargo, diahuebs ultimo, minister Tarcisio Vieira a bisa cu e tribunal no tin competencia riba e asunto aki y a nenga e solicitud.