BRASILIA, Brazil- Ex- Presidente di Brazil, Luiz Inácio Lula da Silva diaranson a wordo condena na nuebe aña di prizon, den e prome di cinco procesonan cu e ta enfrenta vincula na un red di soborno.
E hues Sergio Moro a declara Lula culpabel di acepta 3,7 miyon di real na soborno di e firma di ingenieria OAS SA. Ministerio Publico a bisa cu e placa uza den remodelacion di un di e departamentonan di beach pa e politico. Esaki a bay a cambio di yuda haya contratonan cu e estatal Petrobras.
Abogadonan di Lula, cu ta sigui ta un di e politiconan mas popular di Brazil, a bisa cu nan lo apela den caso cu e wordo haya culpabel y a alega cu e huicio ta un persecucion politico.
E sentencia ta un vuelta pa e prome President di Brazil procedente di e clase trahado. Lula a bandona e cargo seis aña pasa cu’n indice di aprobacion di 83 por ciento, mei mei di e admiracion pa politicanan social cu a yuda na reduci e inhusticia den e economia mas grandi di Latinoamericano.
Ex- presidente Mericano Barack Obama un biaha mas a declara cu Lula ta un di e politiconan mas popular riba Mundo.
E veredicto ta ademas e pena emiti mas grandi den e investigacion Lava Jato, cu ta investiga un red extenso corrupcion cu a vincula e mundo di negoshi y di e politico, lagando Brazil hinca den un caos.
Fuente: www.lta.reuters.com