Luke Perry, actor di Beverly Hills 90210 a fayece

Actor Luke Perry

CALIFORNIA, Merca- E actor Luke Perry, cu a haya fama y reconocimento pa su papel den e serie hubenil di e decada di 1990, “Beverly Hills, 90210”, a fayece dialuna na edad d 52 aña, consecuencia di un derame celebral severo.
Perry tabata interna den hospital desde diaranson siman pasa, den oranan di mainta.
Su representante, Arnold Robinson, a bisa cu el a fayece “rondona door di su yiunan Jack y Sophie, su pareha Madison Bauer y su ex casa Minnie Sharp”. Presente tabata t’ey tambe su mama, padrastro, y otro famia- y amigonan.
“Famia di Luke ta aprecia e apoyo grandi y e oracionnan extendi pa Luke rondo mundo. CU tur cariño y respet nos ta pidi privacidad den e momentonan aki di luto”, Robinson a bisa den un comunicado.
Perry ta forma parti di e elenco di “Riverdale”, un drama hubenil di misterio basa riba e storianan di Archie y cu ta wordo transmiti pa e cadena CW na Merca y Warner Channel na America Latina.
Pero definitivamente el a bira conoci den e serie di añanan di 1990 “Beverly Hills, 90210”, unda cu e tabata duna vida na e personahe di Dylan McKay, un di e personahenan principal.
Ian Ziering, cu tabata interpreta Steve Sanders den e serie, a publica ariba su cuenta di Instagram un potret unda cu por wak nan dos brasa cu otro, na harimento.
“Mi Luke stima, semper mi lo keda cu e recuerdonan maraviyoso cu nos a comprati den e ultimo 30 añanan”, el a scirbi bou di e potret. “Cu bo biahe enrikece e almanan magnifico cu a bay prome cubo y tambe esunnan cu bo a laga atrás”.
“MI LUKE, MI DYLAN” –
“E ta mi Luke, e ta mi Dylan”, Shannen Doherty a bisa diadomingo den e programa Entertainment Tonight, ora cu ainda e tabata interna. “Mi stim’e y e sa cu mi stim’e”.
Doherty tabata interpreta e papel di Brenda Walsh, pareha di Dylan den e serie.
Siman pasa, e cadena Fox a anuncia un miniserie cu gran parti di e elenco di e popular drama hubenil, cu simplemente lo yama “90210”.
Ni Perry ni Doherty lo a forma parti di e proyecto aki.
Jason Priestley (Brandon Walsh), Jennie Garth (Kelly Taylor), Gabrielle Carteris (Andrea Zuckerman), Brian Austin Green (David Silver), Tori Spelling (Donna Martin) y Ian Ziering lo forma parti di e miniserie.
“Beverly Hills, 90210” a estrena na 1990 y a dura 10 temporada, siguiendo e aventura y romancenan di un grupo di adolescentes den un ciudad di hendenan rico, oost di Los Angeles. Serienan manera “Melrose Place” y un secuela, titula tambe titulada “90210”, a sali for di e programa aki, cu a wordo emiti den henter America Latina.

Comments

comments