Despues cu Sv Britannia Frisian Flaga a termina ultimo campeonato na di 3er luga, e pumanan di Piedra Plat a cuminsa cu un reorganisacion y cuminsa reforsa ariba tur liña. Un di e hungadornan cu semper a keda den curason di Sv Britannia ta Luis Carlos Croes kende nos ta considera un di e miho medio camponan cu Aruba a conoce den e ultimo añanan. Den e wega cu Sv Britannia Total Finance a hunga contra Deportivo Pereira di Colombia Luis Carlos a demostra cu keto bay e ta den condicion fisico y tambe tecnicamente e ta demostrando hopi calidad, tanto staff como hungadornan di Deportivo Pereira a keda impresiona cu e calidadnan di dicho hungado. Luis Carlos Croes hunto cu otro caranan nobo lo pone Sv Britannia Pizza Hut bek na e nivel cu nos ta custumbra di wak Britannia. Directiva, fanatica y su compañeronan di ekipo ta yama Luis Carlos Croes un bon bini bek den e filanan di Sv Britannia y e team di Piedra Plat hunto cu su staff tecnico tin su metanan fiho pa e campeonato 2016/17.