AMSTERDAM, Hulanda- E posicion di homber poderoso di KLM Pieter Elbers dialuna tabata topico di un combersacion entre minister Hoekstra di Finanzas y su colega Frances, Bruno Le Maire. Esaki segun informenan di personanan cercano. Hoekstra lo papia cu Le Maire den margen di e Eurogroep dialuna na Brussel. No sa pasa hopi biah cu’n minister ta mete den e posicion di un ehecutivo halto.
Elbers ta meti den un lucha di poder cu e ehecutivo halto di Air France- KLM, e Canades Ben Smith. Elbers lo kier deshaci di dje. Segun expertonan Hoekstra lo laga su homologo Frances sa bon cla “cu esaki ta un pildo venenoso”.
‘KLM lo mustra miho cifranan pa cu ganashi’
Fuentenan na Den Haag ta mustra cu e Raad van Commissarisen di Air France- KLM ta pa nombra e alto ehecutivo di e compania. Pero door cu e KLM den e ultimo añanan, bou mandato di Elbers, ta duna inicio di miho cifranan di ganashi cu Air France, e gabinete ta contra di un despido forsa di e alto ehecutivo di KLM. Estado Hulandes tin un share di 5,9% den KLM.
Gobierno Frances ta haya cu e alto ehecutivo, Smith, mester por haya e oportunidad pa haci e compania uno exitoso. Smith ta haya cu Elbers ta hopi fastioso door cu cada rato e ta mustra cu e personal di KLM a haci sacrificionan pa haci di e compania exitoso. Smith a bin ta lansando promesanan na personal di Air France cu salarionan mas halto pa pilotonan.