Miembronan di Love4Art Studio ta organisa nan exposicion anual na Biblioteca Nacional Aruba di dia 3 di december pa dia 21 di december, 2018. Esaki ta habri pa publico durante orario regular di biblioteca na Playa. Un y tur ta bon bini.
E exposicion di grupo ta un combinacion di cuadra y obranan di ansemblahe titula ‘Archetypes and sacred contracts’ cu a wordo crea den ultimo aña. Love4Art Studio a keda forma algun aña pasa door di un grupo di hende muher creativo cu a dicidi di keda hunto, inspira otro y siña hunto pa yega nan metanan artistico.
Miembronan ta (den orden alfabetico): Aissah van Eer, Anna Fit- Buryakova, Carina Molina, Diana Hopman, Dina Leggers, Esther Lamark, Genevieve Wientjes, Gina Jie Sam Foek, Marianne Beijderwellen, Roelie Groenewegen, and Sandra Slabbekoorn-Wijngaarde.