LOUISANA, Merca- E tormenta a forma dialuna cerca di e archipielago di e Keys di Florida, na e costa oost di Merca. E ta moviendo direccion Golfo di Mexico.
John Bel Edwards, gobernador di e estado di Louisiana a declara “estado di emergencia” ante e yegada di e tormenta tropical Gordon.
“E menasa di fenomenonan meteorológico severo te ainda ta sigui pa Louisiana”, Edwards a comenta. El a urgi e poblacion pa ta prepara.
Di mes manera, e estadonan di Mississippi y Alabama ta den alerta, mientras ta ser spera cu e tormenta lo intensifica den e parti central di Costa di Golfo y bira horcan ora cu e subi tera diamars anochi. E tormenta ta moviendo cu’n velocidad di 28 km/h mientras cu rafaganan di biento ta alcansa ya 85 km/h, segun AP a informa.