E seleccion di Aruba den e deporte di tennis di mesa a regresa bek satisfactorio for di e torneo Dutch Caribbean Championship cu a tuma lugar siman pasa na e ciudad di Paramaribo, Surinam. Tanto den e competencia individual como ekipo, Aruba a sa na triunfa cu varios medaya di Oro.
Den e categoria Open, dos hungador di Aruba ta bay final, aki Andy Gomes sorpresivamente ta gana Mario Lobo cu pa hopi aña tabata tin e titulo como campeon den e competencia aki. Den e categoria Master, e prome luga a bay pa Franklin Lopes y e di tres luga a bay pa Alfred Leong. Den Single U13, como campeon a keda Chengho Chung mientras Robert Dirksen a keda na un di tres luga. Den Single U15, e hoben Jeandry Mathilda a logra coy campeon mientras su compañero Jean Claude Hoek a termina na un di dos luga.
Pa loke ta e prestacion den ekipo Aruba ta logra titulo 4 titulo di campeon y un di tres luga. Aki Teams U13 ta titula campeon cu Robert Dirksen y Chung Chingho, den Teams U15 campeon a keda Jeandry Mathilda y Jean-Claude Hoek, den Team U 18 campeon a keda Jeandry Mathilda y Chingho Chung, den Team Open campeon akeda Mario Lobo y Andy Gomes y un di tres luga cu Franklin Lopes y Alfred Leong.
Lotto, e Loteria di Aruba semper sosteniendo nos atletanan y e deporte local kier a manda un palabra di felicitacion na e seleccion di tennis di mesa cu e titula como campeon overall di e Dutch Caribbean Championship na Surinam.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
- Latest
