Diabierna anochi un bes mas a honra nos atletanan cu a destaca den e aña deportivo 2016. Den un sala di Aruba Marriot Stellaris Casino colma di atleta y nan famia, dirigentenan como tambe invitadonan di honor a otorga e Premio Excelencia den Deporte na esnan cu a destaca den e mundo deportivo Arubano.
E aña aki, Premio Excelencia den Deporte ta existi pa 14 aña y semper a sirbi como un muestra di gratitud, reconocimento, y estimulo cu ta duna na esnan cu a destaca den mundo di deporte. Lotto, e loteria di Aruba kende ta subsidia mayoria di e actividadnan organisa pa nos federacionnan y nan atletanan den cualkier evento deportivo local y internacional ta masha orguyoso di cada un di e atletanan cu a wordo nomina na e anochi aki. Tur federacion di deporte y nan miembronan ta traha duro na bienestar di e deporte y su atleta. Un mas cu otro a logra acapara gran atencion unda e deporte ta sigui crece y logra bon resultado na final, cual tambe ta e meta di tur federacion.
Pa e motibo aki Lotto kier a felicita tur atleta cu a wordo nomina den e Premio Excelencia den Deporte, tur nominado tabata un ganado y merecedo den un anochi cu a wordo dedica specialmente na boso prestacion. Un pabien grandi na Aksel Samardzic y Renze Postma kendenan a sali e atletanan di aña 2016, dos modelo ehemplar pa otro hobennan na Aruba. Tambe Lotto, e loteria di Aruba ta manda un palabra di pabien na e comision organisador y na e huradonan cu a aporta un bes mas na e escogencia di e atletanan di aña.
Cumprandoweganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mesmomentoinverti den deporte local pa medio di donacionnan na e Comision di Subsidio.