Lotto lo duna su aporte na e competencia di Mr. Aruba National Body Building and Fitness Championship

Diasabra awo, 10 di September, Aruba Bodybuilding & Powerlifting Association lo tene nan competencia anual di Mr. Aruba National Body Building and Fitness Championship. Un competencia di bodybuilding y fitness di nivel super halto cu nos atletanan local lo ta participando na esaki. Cada aña e competencia organisa pa e federacion di ABPA ta hala masha hopi atencion unda e atendencia na e evento ta uno grandi. E aña aki e participantenan lo competi den e categorianan di Mr. Aruba, Mr. Aruba Beginner, Women’s Physique y Mens Physique, Ms Aruba Body Fitness and Bikini.
Mester bisa cu conhuntamente cu e competencia aki e federacion di ABPA a probecha di organisa un seminario di hurado cu e experto internacional Rosalinda Perez kende ta e vice chair person of Judges Committee pa e asociacion di bodybuilding y fitness di America Central y Caribe. Mas cu claro e seminario aki lo ta hopi importante pa tur participante mirando cu aki lo duna informacionnan valioso riba e aspectonan con y riba kico lo husga e atletanan ora di competencia. Na banda di esaki ABPA lo organisa un di dos seminario riba e topico Nutricion y Training esaki cu e experto Jon De la Rosa kende ta un IFBB Profesional Bodybuilder di New York cu lo bin pa comparti su conocimento riba ambos materia cu nos coach y atletanan di bodybuilding y fitness. No tin duda cu tur dos e seminarionan aki lo engrandese e conocimento di tur esnan envolvi den e mundo di bodybuilding y fitness.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e competencia di Mr Aruba National Body Building and Fitness Championship como tambe e dos seminarionan riba e topiconan hurado, nutricion y entrenamento.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comments

comments