Cu satisfacion e directiva di St. Fundacion Lotto Pa Deporte, Lotto e Loteria di Aruba, a celebra ciere di fin di aña hunto cu nan valioso trahadonan y demas invitado na nan oficina na San Nicolas, situa den B.v.d. Veen Zeppenveldstraat #21 dunando asina reconocimiento na e bario di San Nicolas. Den presencia di Minister di Salubridad Publico, Cuido di nos Grandinan y Deporte, Dr. Alex Schwengle y Presidente di Stichting Fundacion Lotto pa Deporte, sr. Di-Stefano O. Wernet RA a cende e tradicional pagara unda a dispidi di e aña 2016 y alabes yama e aña 2017 un caluroso bon bini. Lotto, e loteria di Aruba ta orguyoso cu desde 2013 nan ta brinda servicio na e comunidad di pariba di brug for di nan edificio situa na B.v.d. Veen Zeppenveldstraat #21 na San Nicolas.
Pa loke ta e aña deportivo 2016, Lotto, e loteria di Aruba como instancia pa medio di Comision di Subsidio un bes mas percura pa e subsidionan necesario pa nos atletanan y nos deporte local. Nos atletanan a briya unda cu nan bay manteniendo e bon nomber di nos dushi isla di Aruba na halto. Pa e motibo aki tambe un palabra di felicitacion di curazon na cada un di e deportistanan, dirigentenan, clubnan, federacionnan deportivo, ASU, COA, Cemedar, boluntarionan deportivo y mayornan na Aruba. Hunto nos lo engrandece e deporte mas aun den 2017!!!
Gerencia y Staff di Lotto, E Loteria di Aruba ta desea Aruba henter Feliz Pasco y un Prospero 2017 yena cu dicha y prosperidad.
Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.