Dia 1 di September Aruba a celebra dia di prensa. Un dia pa observa e trabao incansabel di esunnan cu ta percura pa trece e noticia den nos hogar. Casi semper e periodista ta, pa hopi, e orea y wowo pa por keda na altura di loke ta transcuri na nivel local y internacional.
Lotto di Aruba no por a keda atras y, Damaris Ridderstap di departamento di mercadeo, a bishita varios radio emisora, website y corant, riba e dia special aki pa yama danki personalmente pa e trabao y sosten duna durante di aña na Lotto y su promocionnan.
Lotto, e loteria di Aruba tin ocho diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.