Lotto celebrando aniversarionan di 20 aña

Awe Lotto, E Loteria di Aruba ta duna honor na 3 empleado cu a cumpli 20 aña di servicio den nos Loteria Nacional.

Eric Ras, Anthony Yarzagaray y Kenneth Angela durante 20 aña a eherce un carera impecabel como tecnico den nos departamento di sistema, brindando abo trankilidad y stabilidad ora di cumpra y participa den nos weganan di Lotto. Danki na Eric, Anthony y Kenneth pa boso dedicacion y servicio.

Henter e team di Lotto ta manda felicita Eric, Anthony y Kenneth cu nan añanan di servicio y alabes ta desea, pa nan celebra hopi aña mas laborando na nos Loteria Nacional.

General Manager, Ronald van den Berg y Systems Manager Nestor Pietersz, a haci entrega di aprecio.

Lotto tin diferente wega, Catochi, Big 4, 1-OFF, Zodiac, Wega di number di Korsou di Lotto, Lotto di Dia, Lotto 5, Mini Mega y su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla.

Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Comments

comments