Lotto, e loteria di Aruba awe ta lansa su campaña pa luna di december, cu ta yama ‘Cachi Cachi Christmas Edition’. Cumprando sea Catochi, Big 4, 1-OFF, Zodiac y Wega di Number Korsou di Lotto, bo ta participa pa gana 1.000,- florin tur dia ariba bo compra cuminsando for 1 di december te cu 31 di december!
Cu cada compra di 1 florin pa sorteo di merdia of anochi ariba mesun ticket, bo ta ricibi 1 number Gratis di Cachi Cachi ariba bo ticket y asina bo ta participa automaticamente pa e sorteo di Cachi Cachi Christmas Edition.
Multiplica bo suerte pa gana: Mas bo inverti, mas number di Cachi Cachi bo ta ricibi ariba bo ticket, pues mas chens bo tin di gana e 1.000 florin di e dia. Cumprando 1 florin y ricibi un number di Cachi Cachi gratis, cumprando 2 florin y bo ta ricibi 2 number gratis, cumpra 3 florin y ricibi 3 number gratis y asina e ta sigui montona.
Sorteo di ‘Cachi Cachi Christmas Edition’ ta tuma luga durante sorteo di anochi for dialuna pa diasabra y diadomingo durante sorteo di merdia pa 2:00 PM. Den luna di december, Lotto lo saca tur dia di sorteo un feliz ganado di 1.000 florin cu e campaña di ‘Cachi Cachi Christmas Edition’.
Lotto, e loteria di Aruba tin diferente weganan manera Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y no lubida e weganan di Raspa y Gana. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
