Hopi interes pa e di 46 festival di Dande dia 28 di December 2019, e aña aki tin 2 cambio den e festival. Despues di algun aña e festival di Dande ta bek den club Caiquetio na Paradera. E festival ta cuminsa pa 7’or di anochi cu un total di 14 agrupacion di dande, un total di 38 dande 13 damas y 25 cabayero, 9 tipico, 11 propio composicion. Lo tin diferente premio ariba e anochi aki, e premio di Rey y Reina di dande ta un suma di Afl 500,-. Tambe lo tin tent nan disponibel cu cuminda, artesania,y hopi cos dushi na benta, si ta interesa pa tent por tuma contacto cu nos na 7337676 / 5859228.
Entrada lo ta completamente gratis, asina un y tur por gosa di nos cultura di Dande 1. Grupo Herencia 2. Tradicion Musical 3.Tipico Ambiente 4.Aiwalos 5.Nos Folclore 6.Formacion Twins 7.Grupo di Amigo 8.Tipico Palisia 9.Robert Maduro y su Alma Folklorico 10.Sabor Crioyo 11.Zonido di Antaño 12.Grupo Stimami 13.Tipico Ayo 14.Grupo la Bomba. Fundacion Cultural Festivalnan Folklorico ta
invita henter e pueblo di Aruba pa bini y disfruta di otro gran festival di Dande 2019.