‘Lost Love Poems’ ta un coleccion di poema skirbi pa poeta Lily Clarisa Henriquez y Lily ta presenta su publicacion na Biblioteca Nacional Aruba diabierna anochi, dia 9 di Juni pa 7 ‘or. Lily a expresa su sentimentonan di amor y tristeza pa perdida den forma di poema. Y den proceso a cuminsa traha riba un publicacion. Esaki ta ilustra pa Chris Valkeneer. Cu mucho gusto e poeta Lily Clarisa ta ofrece su obra creativo na un publico local. Poemanan ta na Ingles. Actualmente Lily Clarisa ta traha como docente Ingles na EPB. Lily a publica su buki na www.bravenewbooks.nl un servicio pa yuda autor y poeta cu ta tuma e paso pa debuta. E buki ta obtenibel na librerianan local y online via Kobo, Bol, Van Dorp y De Wit Stores. Pronto tambe pa fia na biblioteca. E buki lo ta na benta e anochi di presentacion y poeta Lily ta firma su buki. Lily ta blog na lilyspoems.blogspot.nl