Diaberna 12 di Mei Lori Vallow a wordo condena pa motibo di a mata su dos yiu.
Un Fiscal di Idaho a declara Vallow culpabel ariba dos cargo di asesinato den prome grado di su mesun yiu J.J Vallow di 7 aña y Tylee Ryan di 17 aña na September 2019 y tres cargo di conspiracion pa asesina J.J, Tylee y e prome casa di su mesun pareha, Tammy Daybell. Tambe a declara culpabel di ladronicia mayo di e beneficio di seguro social di su yiunan despues di e asesinato.
Daybell ta enfrentando un huicio pa e mes un cargonan. Inicialmente, e pareha tabata den espera pa wordo huzga hunto pero Vallow no a renuncia su derecho pa un huicio rapido mientras cu Daybell si a haci esaki, y e abogadonan di Daybell a solicita pa separa e caso di dje y su casa. Den fotonan policial por mira Vallow cu a participa den concurso di beyesa aña atras, ta smile cu e fotografo y cu su cabey drecha den un manera sportief cu make-up.
Kay Woodcock cual ta wela di J.J Vallow y ruman muhe di Vallow su ex casa, Charles Vallow a splica noticieronan cu e no a reconoce Lori Vallow den fotonan di e acusado prome cu su huicio a cuminsa.
Mientras cu J.J y Taylee tabata perdi na 2019 y directamente despues di e morto di Tammy, Vallow y Daybell a casa na Hawaii. Fiscalnan a discuti durante e huicio di Vallow cu e lo a haci kico cu ta pa deshaci di Tammy y keda cu Daybell pa su so. Lunas despues den luna di Juni 2020, autoridadnan a localisa J.J y Taylee su restonan dera riba propiedad di Daybell na Rexburg.
E departamento forensico a splica cu J.J a fayece di asfixia di un saco di plastic, Tylee a fayece dor di homicidio pero di maneranan desconoci mirando cu su restonan tabata completamente desmantela y gravemente kima prome cu el a wordo dera. “Tylee, J.J y Tammy no por bisa nos kico a sosode, pero nan curpa si por”, Wood a bisa den un discussion.
