MICHIGAN, Merca – Un muhe a wordo haya culpabel di tira su casa cinco biaha den un caso di asesinato na Michigan, aparentemente a wordo presencia pa un lora.
Glenna Duram a tira su casa, Martin, dilanti di e mascota di e pareha na 2015, prome cu el a purba di mata su mes.
E lora despues a ripiti e palabranan “No tira!” den e voz di e victima, di acuerdo cu e ex casa di Duram.
E lora, un African Grey, yama Bud, no a wordo uza den e caso den corte.
Hurado a haya sra. Duram, 49, culpabel di asesinato e siguiente dia di e deliberacionnan. E lo ricibi su sentencia otro luna.
El a sufri di un herida na cabes den e incidente den e cas di e pareha na Sand Lake, na Mei 2015, pero a sobrevivi.
Mama di Duram, Lilian, a bisa cu a “duel’e” pa presencia sra. Duram “sin emocion” den corte, ora cu evidencia a wordo presenta den e caso di morto di su yiu homber, medionan local a reporta.
“E no tabata bon, e no tabata bon. Dos aña ta basta tempo pa warda pa husticia,” el a bisa.
E ex casa di Duram, Christina Keller, kende awo ta doño di Bud, na principio, el a kere cu e lora tabata ripiti un conversacion for di e anochi di e asesinato, cual el a caba cu e frase “no tira!”
Mayornan di Duram a bay di acuerdo si ta posibel cu e lora a scucha e discusion di e pareha y a ripiti nan ultimo palabraan.
“Personalmente mi ta pensa cu e tabata eynan y e ta corda y el a bisa,” e tata di Duram a bisa medionan local e momento eynan.
Su mama, Lilian Duram, a agrega: “E lora eynan ta gara tur cos, y e tin e boca di mas sushi.”
Un fiscla na Michigan inicialmente a considera uza e lora como evidencia den e caso aki, pero despues a wordo nenga. E fiscal a agrega cu ta inusual cu e lora por wordo yama pa testigua como un testigo durante e caso.
Fuente: www.bbc.com