Loketnan di WEB na Balashi habri diasabra awor 3 di September

Den su esfuerso pa reduci rijnan largo durante e dianan prome cu e ultimo dia di pago pa e proximo cuenta di awa, WEB ta habri su loketnan diasabra awor 3 di September. Di 9 or di mainta pa 1 or di merdia clientenan lo por haci pago, pero tambe lo por haci peticion pa conexion of simplemente haya informacion. E unico servicio cu no ta obtenibel diasabra ta haci peticion pa un areglo di pago. Na Augustus ultimo, WEB pa prome biaha a habri su loketnan riba diasabra. A haya bon reaccion di clientenan y esey a pone cu lo ripiti esaki tur luna, e diasabra prome cu e ultimo dia di pago di e proximo cuenta di awa. E team di departamento di servicio na cliente ta yama clientenan bonbini diasabra awor 3 di September.

Comments

comments