Durante conferencia di prensa di Gobierno un pregunta a keda haci pa e Alto Comisario Interino di KPA pa Sra Vanessa Tjon. Kock relaciona cu e caso di Village dialuna anochi. E oficial a splica cu na mas cu un ocasion a menciona ora cu ta trata di Toque De Queda nos tin cierto autoridad pa Cuerpo Policial mirando cu ta bay na actua na un manera mas severo. Den e caso di Village nos no tin cu lubida di e medidanan cu ta stipula den nos decreto ministerial y esunnan cu ta e base pa Cuerpo Policial actua pero na momento como abo mes como ciudadano ta viola otro leynan e.o penal automaticamente cuerpo policial tin cu actua tambe. Loke ta trata di abuso di poder semper tin e opotunidad y libertad pa cada persona cu ta sinti cu esaki ta tumando luga pa por acudi na e departamento di BIV/BIZO di Cuerpo Policial pasobra tur caso ta haya nan atencion e manera bo entrega un keho fiscal un biaha mas ta evalua e caso aki.
Sra Vanessa a menciona loke ta Village enberdad cu Cuerpo Policial a haya hopi critica sin sa e berdad loke a bin den medianan social automaticamente tur e informacion di banda di polis ta investiga y ta atende cu e caso, pero sin lubida e hecho di destruccionnan cu a tuma luga den Village unda tin un keho entrega y cierto leynan penal a keda viola, y abase di esaki bo ta hayabo cu un otro trayecto ta wordo cana