Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters na Baracadera. Den categoria di A-Klas e ekipo di Logros ta derota Blackhawks y ta mantene nan mes invicto solido na prome luga. Juan Chirinos ta cubri henter e ruta y ta pone e victoria riba su nomber. Clay Shipley tambe ta bay completo pero mester conforma su mes cu e derota. Logros 8 careda, 11 hit, 3 eror. Blackhawks 2 careda, 6 hit, 1 eror. Miho bateadornan pa Logros tabata Jose Gomez 3-3, Jose Figuero 1-1, Alvaro Rodriguez 2-1 y Eldrick Maduro di 3-2. Pa Blackhawks a destaca riba plato Michel Ling 3-2 y Rodymar Geerman di 2-1. Weganan lo continua dialuna awo riba veld di Dragon Hitters unda pa 7:15pm Celebrities lo topa Blackhawks den di tercer buelta sigui pa 9pm Logros vs Predators. Diamars 11 Juli na Dragon Hitters Spuiters vs Piratas den un double header y diaranson 12 di Juli Pizza Hut Monsters vs Royal Power. Diahuebs Blackhawks vs predators y Celebrities vs Black Yoker y diabierna double header Spuiters vs Balashi y Pizza Hut Monsters vs Macuarima Indians. Un cantidad di wega di softball henter siman. Waak pa bo tey. Campeonato 2017 a la carga!!!